Comprender a asombrosa forma en que funciona a mente das persoas no espectro do autismo e a súa maneira particular de estar no mundo, pode supoñer un fascinante e, á vez, complexo reto para educadores e familias. Un reto ao que se suma o compromiso de imaxinar, deseñar e poñer en marcha os apoios necesarios que promovan o seu desenvolvemento persoal e, ao mesmo tempo, actúen na contorna eliminando as barreiras á súa inclusión (comunicativas, sociais, académicas, laborais, etc.). Todo iso co fin de que a persoa poida gozar do seu dereito a unha vida plena, digna e feliz, participando e contribuíndo na súa comunidade. Unha achega ao coñecemento e experiencia compartidos, baseada na firme convicción de que todas as persoas poden progresar sempre que se lles presten os apoios apropiados e dispoñan de experiencias e oportunidades. Desde unha visión proactiva, positiva e optimista, o libro abarca a comprensión e o apoio a persoas en todo o amplo espectro do autismo baixo un enfoque práctico. Escrito nunha linguaxe sinxela e accesible, a súa lectura resulta especialmente amena e didáctica grazas aos numerosos testemuños e experiencias reais que acompañan a cada idea ou estratexia, e que ilustran non só que se pode facer senón tamén o porqué e o como.